「中銀香港足動校園體驗計劃」輪到今季出爐「雙冠王」東方登場，5月9日東方親訪位於觀塘牛頭角的觀塘功樂官立中學，由助教羅志焜率領4位球員，包括門將廖富源、中場林衍廷、小將張文浩及楊棟棋，與超過40名學生進行足球指導及比併，期望藉此活動促進本地足球發展之外，更可透過近距離傳授經驗，激發學生的運動潛能。

 
 
 作為今季「高級組銀牌」及「足總盃」冠軍的東方，陣中擁有不少出身自家青訓的實力小將，更設「東方足球青訓學院」提供U10至U18分別五個梯隊的訓練架構，為培育本地潛力新秀不遺餘力。是日東方一行5人踩入校園，傳授足球基本功予一眾中學生。活動分成三個環節，首15分鐘由助教羅志焜帶領同學熱身，包括踢腿、跑圈、原地彈跳，及考驗協調反應的分組遊戲，成功炒熱現場氣氛；第二個環節4名球員化身教練，指導同學射門、回傳「撞牆」、反應及轉向等技巧練習，最後球員更親自落場，與同學分組進行五人足球比賽，掀起活動高潮。 

 
 有份落場的中場林衍廷（Fat Gor）是日首度代表東方參與校訪活動，對於以職業球員身份重返校園，「Fat Gor」就表示感覺既熟悉又開心：「見到佢哋我都諗番起讀書嗰陣時，自己又係讀男校，成班仔放學就換衫踢波，好似我哋以前嘅學生生活咁，可以喺最開心嘅年紀，成班朋友無憂無慮咁踢波，自己諗番起都幾回味。」提到鬥波的環節，「Fat Gor」指同學的投入程度亦感染到身邊人，令他非常之深刻：「見到佢哋比賽好認真，雖然我本來膝頭哥仲痛緊，但都忍唔住要同佢哋搓兩吓。我覺得如果唔熱愛嘅足球嘅話，我諗你好難持續去練習同踢波，喺中學階段培養對運動嘅熱愛係好緊要。」 

 門將廖富源就大讚同學表現積極，希望校訪活動陸續有來，又激勵學生要繼續提升水平，向更高目標進發：「頭先練波見到佢哋比較緊張，其實喺中學階段，未必有好多機會可以畀職業球員指導到，而基本功係要花時間去練好，今次教啲基礎技術，等佢哋將來踢到上區隊，或者有一日做到職業足球員都有得著。香港未來好需要下一代去接班，希望可以畀個目標佢哋去進步，爭取踢更高水平嘅足球。」 

現就讀中四，司職中堅的校隊成員張宗淳就表示，今次與港超現役球員交流的機會難得，亦感受到自己與職業水平的差距，會視他們為學習目標：「頭先有機會可以練習唔同技術，自己都好興奮同好享受呢個時間，同佢哋鬥波就真實感受到球員基本功有幾扎實，好佩服佢哋嘅技巧。」 
學校代表向東方球員致送感謝獎座
 

觀塘功樂官立中學足球隊於2023年以「港九區中學校際足球比賽」D3K2組冠軍姿態，首度闖入「學界足球精英賽」，校隊負責老師林Sir指活動讓學生有機會與職業足球員親自交流，對培養紀律和積極面對挑戰的態度具有莫大幫助：「我哋學校一直重視學生嘅全人發展，亦都非常支持本地足球，校隊亦都係由港超球員擔任主教練，希望佢哋唔止學到足球上嘅技巧，仲可以透過一班現役球員嘅分享，學到團隊精神同紀律嘅重要性，鼓勵佢哋積極面對人生。」 
 

資料來源：中國香港足球總會
如其他學校有興趣:
•    參與此項「中銀香港足動校園體驗計劃」
•    投稿至 ECzone 學校園地 (按此瀏覽其他學校投稿)
歡迎發送電郵至 [email protected] 查詢