中銀香港足動校園體驗計劃
中銀香港足動校園體驗計劃
足動校園 理文造訪張沛松中學 鼓勵學生追夢
新一季「中銀香港足動校園體驗計劃」於上月24日正式展開，首擊有理文到訪位於將軍澳寶林的張沛松紀念中學，由助教羅志焜率領4位球員，包括中場巴拉克、後衞立花稜也、潘沛軒及翁煦濤，與逾80名中四學生進行足球交流。後衞翁煦濤就希望藉此激發學生興趣，鼓勵有意成為職業球員的學生勇敢追夢。
是日下午於學校露天球場，理文4位球員化身教練，分別為全級中四學生提供足球基本訓練，超過80名學生分成4組熱身，練習傳球、控球、射門、彈跳及協調。第二部分理文則安排5對5的友賽，與校隊成員切磋，踢至一半，學生隊更額外加入15位學生進行對決，學生尾段更施展人牆戰術，排成一列守於龍門前，場面搞笑又熱鬧。負責指導射門的翁煦濤，期望透過足球為學生帶來歡樂，「翁仔」又鼓勵有意向職業足球方向發展的年輕一代，建立自律的運動習慣：「我覺得青少年階段最重要嘅係培養興趣，如果真正熱愛踢波，先可以不斷進步，好似今日氣氛熱鬧，大家自然更投入。無論係想成為職業球員，未來代表港隊，定係外流發展，為香港足球爭光，就要為目標努力奮鬥，練習多啲，任何運動都係需要日積月累，越早接觸踢波，自然有一定水平基礎，對香港足球發展絕對係好事。」
出身於亞洲足球強國的日本左閘立花稜也（Tachi），就相信校訪對足球普及化，有莫大的推廣作用：「雖然我只係住喺大阪裏面嘅小鄉鎮，一班淨係得15個學生，但以前喺日本讀書嗰陣，地區球隊已經成日舉辦交流活動，同班學生一齊踢波，仲會派波飛畀我哋，就好似今日理文咁，見到佢哋咁落力踢波，真係諗起唔少回憶，對於宣傳本地球隊，將足球文化滲透社區好有幫助。」
司職門將的校隊成員馮祖兒，是日為學生隊把守最後一關，「祖兒」指與理文球員切磋，令他深刻體會到港超技術水平，值得正朝職業夢進發的他學習：「佢哋真係好犀利，就算畀咁多人圍住，都可以輕鬆扭番出嚟，好快搵到空位組織攻勢。我有諗過將來踢職業，除咗喺青訓學校度訓練，最近代表學校參加咗青協西貢區U18五人賽，仲入咗四強，如果下次再有機會同職業球員，甚至港隊成員踢，我梗係想再參加，希望努力累積經驗。」「祖兒」更即場與其最欣賞的中場巴拉克（Aki）許下約定：「我同佢Aki講好咗，下次我會入場撐佢，如果佢入波就做Jesse Lingard（連加特）嘅慶祝動作！」
資料來源：中國香港足球總會
如其他學校有興趣:
• 參與此項「中銀香港足動校園體驗計劃」
• 投稿至 ECzone 學校園地 (按此瀏覽其他學校投稿)
歡迎發送電郵至 [email protected] 查詢