中銀香港足動校園體驗計劃
中銀香港足動校園體驗計劃
龍城軍踩入校園 - 何文田的陳瑞祺（喇沙）小學 為青訓播傳承種子
「中銀香港足動校園體驗計劃」於上月26日輪到地區球隊九龍城登場，到訪位於何文田的陳瑞祺（喇沙）小學，教練唐咖名與5位球員，包括門將袁皓俊、後衞曾錦濤、余沛康、巴西前鋒卡朗及雷仙奴，走入校園與逾40名小學生享受足球樂，為本地青訓播下傳承種子。
是日下午「龍城軍」一行6人踩入校園，守門員教練唐咖名、門將袁皓俊、後衞曾錦濤、巴西前鋒卡朗及雷仙奴於有蓋操場簡單自我介紹後，就進行學生問答環節，由球員解答眾學生對足球的疑問。緊接着40名小學生分成4組，在球員的指導下練習左右腳傳控及射門的基本功。為實踐所學，第二部分安排了30分鐘的5對15的友誼賽，射手卡朗更大展「森巴足球」本色，以「的波」、頭槌及挑起皮球等花式回傳，雷仙奴更使出「茅招」緊抱皮球推進，學生一湧而上合力制服兩位巴西前鋒，惹人笑逐顏開。
比賽尾段學生隊增至40人出戰，後衞余沛康賽後笑言幾乎招架不住，又大讚學生表現投入，令他被這份活力所感染：「佢哋嘅足球水平都唔差，再加上對面人數多過我哋，踢落都有啲吃力，好彩最後勉強贏佢哋少少，我哋有一段時間無做校訪，今日feel到班學生全部都好有活力，係好好嘅特別體驗，希望培養到佢哋做運動嘅興趣。」
上年有份參與「中銀香港足動校園體驗計劃」的門將袁皓俊，第2度代表九龍城與學生互動，他指學生基本功出乎意料地紮實，比賽表現有板有眼，亦勾起「肥袁」學生時期的校訪回憶，希望繼續傳承使命：「嗰陣甲組球隊愉園嚟過我間小學，分組我係守門員崗位，『范Sir』（范俊業）同埋梁卓長負責指導。好記得有個環節叫我哋守龍，由班外援射點球，過咗20幾年仲有印象。對於今日班小朋友嚟講，可以好似我當年咁近距離接觸職業球員，我諗都會留低好深嘅回憶，亦係好好嘅機會回饋畀新一代，推廣本地足球文化。」
現於該校任教體育的前港隊門將陳家麒，認為此類活動對培養年輕一代的足球興趣相當重要：「學校環境要提供專業足球訓練相對比較難，透過職業球員校訪，可以帶畀學生更有系統、更深入嘅技術示範，以及最重要嘅紀律觀念。希望透過職業球員傳遞訊息，包括訓練態度、體育精神等等，令學生喺初接觸階段，就可以建立基礎認知，從而更投入足球呢項運動。」
過去效力大埔期間，曾與「肥袁」和雷仙奴合作多年，暑假才由加拿大回流的陳家麒，與老友重聚倍感開心：「大家都知『肥袁』係我嘅學生，雷仙奴都係以前喺大埔合作過，感覺好似久別重聚，好多謝佢哋嚟幫手，同佢哋一齊落場梗係開心。」
資料來源：中國香港足球總會
如其他學校有興趣:
• 參與此項「中銀香港足動校園體驗計劃」
• 投稿至 ECzone 學校園地 (按此瀏覽其他學校投稿)
歡迎發送電郵至 [email protected] 查詢